Në Ditën e Familjes, Center ACT for SOCIETY zgjodhi të mbjellë në park dy pemë Ulliri, duke iu bashkuar familjes së madhe të Tiranës në nismën e bukur dhe të shumëpërkrahur “Dhuro pemë për Tiranën”! Faleminderit për dhuratën tuaj në këtë ditë të shënuar për familjen dhe vlerat e saj si njësia bazë e shoqërisë!! Gëzuar Ditën e Familjes!

I japim dorën e fundit sheshit të ri rekreativ të Laprakës, në rrugën “Lord Bajron”! U vendosën modulet e reja, u sistemua bimësia me pemë e shkurre dekorative, u krijua një zonë pushimi, u rehabilitua fusha e basketbollit dhe rrugicat, dhe tashmë është thuajse gati të mirëpresë fëmijët e lagjes. Fëmijët janë prioriteti ynë, argëtimi i tyre na jep krahë të punojmë çdo ditë me përkushtim dhe dëshirë për më shumë sheshe rekreative, kënde lojërash e parqe për një jetë aktive, sociale dhe të shëndetshme!

Parkut të Madh të Liqenit të Tiranës iu shtuan 50 pemë, dhuratë nga “Mançka Internacional Transport”! Pronari i kësaj kompanie transporti, Artan Mançka, solli nga Bilishti për parkun tonë 15 pemë Bli, 15 pemë Vidh, 9 pemë Vadhëz, 1 pemë Frashër dhe 10 pemë Katalbë, të cilat u mbollën në pjesën jugore të parkut nga specialistët tanë të terrenit! Faleminderit për këtë dhuratë të çmuar ndaj parkut dhe qytetit tonë!

Një pemë ulliri, dhuratë Parkut të Liqenit për të finalizuar gjithë “maratonën” e festave të organizuara për fëmijët jetimë të Qarkut Krujë! Mbjellja e pemës nga vetë fëmijët, me emrat e secilit në të, ishte një gjetje e bukur nga Eralda, iniciatorja e kësaj nisme, që synonte të linte gjurmë në memorien e vogëlushëve. Faleminderit Esmeralda për gjithë kujdesin e dashurinë ndaj fëmijëve dhe parkut!

Maratona botërore “Wings for Life World Run” erdhi sërish në Shqipëri, te Parku i Madh i Liqenit. Vrapues nga gjithë Bota na u bashkuan me WFLWR, duke bërë donacionin e tyre në App Run Tirana, në mbështetje të kauzës për kërkime shkencore ndaj atyre që kanë lëndime të shtyllës kurrizore.

I shtojmë ngjyrat dhe mobilojmë para përurimit, Akademinë e Çiklizmit në Parkun e Madh të Liqenit! Përpos gjelbërimit, moduleve lodra dhe vijëzimit, në këndin më të ri rekreativ dhe edukativ për fëmijët janë vendosur tashmë edhe stolat, si dhe Këndi i Objektivave të Zhvillimit të Qëndrueshëm, i cili promovon një të ardhme më të mirë dhe më të qëndrueshme për njerëzit dhe botën. Stolat dhe tabela u dhuruan nga ANTEA Cement Sh.a., në kuadër të planit të veprimeve për përgjegjësinë sociale të korporatës.

Një Likuidambër iu shtua Parkut të Madh të Liqenit, dhuratë nga familja Agolli! Tashmë, sa herë ata të shëtisin në park, do të mund të ndalojnë, të kujdesen e të shohin se si pema e tyre rritet nga dita në ditë! Faleminderit miq të parkut! Nëse edhe ti dëshiron të na bashkohesh në nismën “Dhuro pemë për Tiranën”, kliko në: https://aprtirana.al/

Si shumë bashkëmoshatarë të tyre, edhe nobelistët e vegjël mbollën 6 pemë Rrap pranë Liqenit të Kasharit! Faleminderit Shkolla 12-vjecare Nobel që na u bashkuat në nismën “Dhuro pemë për Tiranën”!

Një super dhuratë për Parkun e Liqenit nga super nxënësit e Turgut Ozal Colleges official! 75 pemë, ndër të cilat 33 pemë Rrap, 20 Likuidambër dhe 22 pemë Frashër u mbollën në park nga vetë fëmijët, të ndihmuar dhe nga kolegët tanë të sektorit të gjelbërimit. Një ditë e gëzueshme për vogëlushët, po ashtu edhe për ne. Dashuria e tyre për natyrën, parkun, qytetin, na e bën zemrën mal.

Rikthehemi për të dytin vit me TiranaThlon te Parku Helen në Farkë! I konceptuar si ndërthurje mes sportit, bukurisë natyrore dhe nevojës për standarte në zhvillimin e një eventi të tillë si triathloni, Parku Helen u inagurua vitin e shkuar, në prag të #TiranaThlon1. Këtë vit, ai do të mirëpresë me 29 Maj sportistë nga e gjithë bota në , një garë që zhvillohet në tre disiplina: not, çiklizëm dhe vrap. Numërimi mbrapsht ka nisur, kanë mbetur edhe disa ditë nga gara e madhe! Për t’u regjistruar, kliko linkun:https://tiranathlon.com/